KT 9 është krijuar në vitin 2008 në përputhje me Ligjin Nr. 9870, datë 02.04.2008 “Për Standardizimin”, me rregulloren e brendshme dhe duke ndjekur strategjinë e CEN/CENELEC dhe ISO/IEC mbi krijimin dhe funksionimin e komiteteve teknike. Antarët e këtij KT janë të gjithë specialist të fushës dhe operojnë si në fushën e shërbimeve, trupave të certifikimit, universitetit dhe shkollave profesionale. Fusha e këtij KT është adoptimi i standardeve evropiane dhe ndërkombëtare CENELEC/IEC dhe ISO/IEC në lidhje me kërkesat e sigurisë së pajisjeve elektronike në fushat e Audio/Video, Teknologjisë së Informacionit dhe Teknologjisë së Komunikimit, rrjete kabllore për sinjale televizive, sinjale zanore dhe shërbime ndërvepruese, pajisjet e ekranit me ekran të sheshtë ose jo, Sistemet elektronike të shtëpive dhe ndërtesave , matja kontrolli dhe automatizimi i proceseve industrial etj.

Një nga fushat më të rëndësishme është teknologjia e informacionit që mbulohet nga KT i IEC ISO/IEC JCT 1 i cili ka zhvilluar një numër të madh standardesh të fushës së teknologjisë së informacionit, ku më i rëndësishmi është seria e standardeve ISO/IEC 27000 për sistemet e manxhimit të sigurisë së informacionit. Gjithasshtu ky standard është shumë i kërkuar dhe shumë i përdorshëm sot kur edhe qeveria shqiptare e ka një nga prioritet e saj teknologjinë e informacionit, duke ngritur një nga Agjensitë kombëtare AKSHI, i cili është qëndra e të gjitha sistemeve të komunikimit ndërinstitucional dhe që menaxhon sigurinë e komunikimit të të gjithë institucioneve shtetëtore.

Gjithashtu e-Albania, portail qeveritar i menaxhuar nga AKSHI dhe ku të gjithë qytetarët aplikojnë për të gjithë dokumentacionet dhe shërbimet qeveritare, është një portal ku bëhet menaxhimi i të gjithë të dhënave të shtetasve shqiptar dhe siguria e ruajtjes së këtyre të dhënave është objekti kryesor dhe kërkon një system menaxhimi tepër të sofistikuar dhe të sigurtë. Pikërisht ky KT mbulon me standarde këtë fushë të sigurisë së të dhënave dhe i vë ato në dispozicion të palëve të interesuara që i përdorin këto standarde.

Gjithashtu një pjesë e këtyre standardeve janë edhe standarde të harmonizuara nën direktivat LVD dhe EMC, kryesisht një grup standardesh që i përkasin fushës së sistemeve të lundrimit detar dhe radiokomunikimit, si edhe rregulloret që lidhen me performancën e energjesë në ndërtesa, shpërndarja e rrjetit inteligjent dhe rregulloreve lidhur me Ekodizajnin 2009/125/EC..

Përgatitja e standardeve për të gjitha aspektet e sistemeve elektronike të shtëpisë dhe ndërtesave në lidhje me shoqërinë e informacionit është një fushë tjetër e mbuluar nga ky KT. Më në detaje: Përgatitja e standardeve për të siguruar integrimin e një spektri të gjerë aplikimesh kontrolli dhe aspektet e kontrollit dhe menaxhimit të aspekteve të tjerave. Aplikime brenda dhe përreth shtëpive dhe ndërtesave, duke përfshirë portat për në media të ndryshme transmetimi dhe rrjete publike duke marrë parasysh të gjitha çështjet e EMC dhe sigurisë elektrike dhe funksionale.